22.11.2024 | 18:16
Բրազիլիան հետաքրքրված է տեխնլոգիական ոլորտում Հայաստանի հետ համագործակցությամբ
Պեսկովն արձագանքել է Ուկրաինայի պատերազմի վերաբերյալ Իրանի նախագահի հայտարարություններին
Քաղաքականություն
24.09.2024 | 15:51
Ռուսաստանը կշարունակի հստակեցնել իր դիրքորոշումն Ուկրաինայի հարցում Իրանի հետ շփումներում։ ՏԱՍՍ-ի փոխանցմամբ՝ այս մասին հայտարարել է ՌԴ նախագահի մամուլի խոսնակ Դմիտրի Պեսկովը՝ ի պատասխան լրագրողների խնդրանքին՝ մեկնաբանել Իրանի նախագահ Մասուդ Փեզեշքիանի հայտարարությունները, որ պատրաստ է քննարկել Ուկրաինայում ստեղծված իրավիճակը եվրոպական երկրների և ԱՄՆ-ի ներկայացուցիչների հետ։
«Դա Իրանի ինքնիշխան դիրքորոշումն է։ Մենք կշարունակենք բացատրել մեր դիրքորոշումը մեր իրանցի ընկերներին, այն ամենը, ինչ կապված է Ուկրաինայի շուրջ հակամարտության հետ։ Մեր փոխգործակցությունն Իրանի հետ շատ դրական է զարգանում տարբեր ոլորտներում։ Ակնկալում ենք, որ այն հետագայում էլ կընդլայնվի»,- ասել է Պեսկովը։
Հիշեցնենք՝ Իրանի նախագահ Մասուդ Փեզեշքիանը հայտարարել էր, որ ցանկանում է բանակցել արևմտյան երկրների հետ Ուկրաինայի պատերազմի շուրջ։
«Մենք կցանկանայինք երկխոսություն և բանակցություններ սկսել եվրոպացիների և ամերիկացիների հետ։ Մենք երբեք չենք աջակցել ուկրաինական տարածքի դեմ ռուսական ագրեսիային»,- ասել էր Փեզեշքիանը լրագրողներին Նյու Յորքում:
Թարգմանությունը՝ Էմմա Չոբանյանի
