11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ՌԴ-ում պատժամիջոցների պատճառով սկսել են սառեցնել հեղուկ գազի խոշոր նախագծերը
Քաղաքականություն
23.09.2024 | 21:17
Ռուսական խոշորագույն մասնավոր գազային «Նովատէկ» ընկերությունը արևմտյան պատժամիջոցների ֆոնին դադարեցրել է աշխատանքները բնական հեղուկ գազի (LNG) արտահանման խոստումնալից նախագծերի վրա, ինչպիսիք են «Մուրմանսկ LNG»-ն և «Օբի LNG»-ն, հայտնել են «Կոմերսանտի» իրազեկ աղբյուրները։
Ըստ տեղեկությունների՝ «Նովատէկ»-ը հասկանում է, որ «ընկերության բոլոր ապագա գազային նախագծերը ենթարկվելու են պատժամիջոցների»։ Դեռևս պարզ չէ, թե որ վայրում պետք է կառուցել սառցե դասի տանկերներ Արկտիկայի նախագծերի համար, ինչպես ֆինանսավորել դրանք և ինչպես կազմակերպել առևտուրը: Այս իրավիճակում «Նովատէկ»-ը որոշել է կենտրոնանալ «Արկտիկ LNG-2»-ի շինարարության ավարտի և նախագծից բեռնափոխադրումների հաստատման վրա:
«Մուրմանսկի LNG»-ն, որը բաղկացած է երեք գծերից, յուրաքանչյուրը՝ 6,8 միլիոն տոննա, և «Օբի LNG»-ն՝ 6 միլիոն տոննա, պետք է լինեն ընկերության հաջորդ նախագծերը «Արկտիկ LNG-2»-ից հետո: Ընդ որում, «Մուրմանսկ LNG»-ն համարվում էր ամենահեռանկարայինը, հատկապես՝ պատժամիջոցների սահմանափակումների պայմաններում, նշում է «Կոմերսանտը»։
Դա պայմանավորված է նրանով, որ այն գտնվում է չսառցակալող Մուրմանսկի նավահանգստում, ինչը նշանակում է, որ վերանում է Arc7 սառցե դասի տանկերի կառուցման անհրաժեշտությունը և հնարավորություն է տալիս սովորական նավերով տեղափոխել հեղուկ գազը:
Թարգմանությունը՝ Տաթև Ֆռանգյանի
