Անկախության զգացումը ներսի´ց պետք է լինի, որքան տոնի պաթոսը շատ, այնքան էությունը մանր. Զորիկյան․ ՏԵՍԱՆՅՈՒԹ

«Մի´շտ պետք է արժևորենք մեր անկախությունը և ոչ միայն սեպտեմբերի 21-ին: Անկախության զգացումը ներսից պետք է լինի, ուղեկցի մեզ: Մենք պետք է հրաժարվենք ձևականություններից, պաթոսից, որքան պաթոսը շատ, այնքան տոնի էությունը` մանր»,-Factor TV-ի հետ զրույցում տեսակետ է հայտնում երգիչ, երգահան Էդուարդ Զորիկյանը:
Նրա խոսքով` 30 տարի Հայաստանի Հանրապետության բախտը որոշել են Ռուսաստանի դրածոները. «Կրեմլը մեր սուվերենությունը չի ընդունում և մինչև օրս կայսերական ծրագրեր ունի Հայաստանի հետ: Պետք է բացել ու դուրս գալ այդ վանդակից: Կայսրությունը հեշտությամբ չի հրաժարվում իր գաղութներից, բայց մենք պետք է ձգտենք ազատվել դրանից»:
Ցավոք, 1 տարի առաջ սեպտեմբերին ստորագրվեց Արցախը լուծարելու հրամանագիր: Սեպտեմբերի 2-ն էլ Արցախի անկախության օրն էր. «Եթե չկարողանանք իրականացնել մեր հայրենակիցների վերադարձը իրենց պապական հողեր, ծննդվայր, դա կդառնա մոլորակի համար նախադեպ, լիահույս եմ, որ ազատ աշխարհը դա թույլ չի տա, և ուշ թե շուտ այդ հարցը կլուծվի»,-ասում է Զորիկյանը:
Էդուարդ Զորիկյանի հետ զրուցել ենք նաև երգարվեստին վերաբերող թեմաներից: «Ռաբիսը կար նաև խորհրդային տարիներին, ու թեև այն ժամանակ չէին թողնում, որ մտներ եթերներ, այն մնաց, մերոնք կլկլացրել են միշտ: Եթե մենք այսօր չկլկլացնեինք, գուցե հաղթեինք պատերազմում: Մենք նաև մտածում ենք կլկլոցներով: Մենք թշնամու հետ մտածում ենք նույն կլկլոցի միջով»:

Մանրամասները`տեսանյութում:

Աննա Բաբաջանյան