14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Ալեքսանդր Արզումանյանը «շատ լավ պատկերացնում է» իր աշխատանքը
12.07.2017 | 12:03
Ալեքսանդր Արզումանյանը «շատ լավ պատկերացնում է» իր աշխատանքը Ալեքսանդր Արզումանյանը Factor.am-ի հետ զրույցում հաստատեց, որ նախագահի Սերժ Սարգսյանի հրամանագրով Դանիայի Թագավորությունում ՀՀ արտակարգ և լիազոր դեսպան է նշանակվել։ Մեր հարցին, թե ինչպե՞ս է պատկերացնում իր աշխատանքը դեսպանի պաշտոնում Սերժ Սարգսյանի պաշտոնավարման շրջանում, Արզումանյանը վրդովված պատասխանեց․ «Շատ լավ եմ պատկերացնում»,-ապա անջատեց հեռախոսը։
Նշենք, որ մամուլում արդեն տևական ժամանակ լուրեր էին տարածվում Արզումանյանի՝ այս կամ այն երկրում դեսպան նշանակվելու մասին, ինչն Արզումանյանը համառորեն հերքում էր։ Նախկին ՀՀՇ-ական Ալեքսանդր Արզումանյանը, լինելով Արտաքին գործերի նախարար, 1998 թվականի փետրվարի 4-ին հրաժարական է ներկայացրել նախագահ Լևոն Տեր-Պետրոսյանի հետ։
Հիշեցնենք, որ 2008 թվականի Մարտի 1-ի հայտնի դեպքերից հետո Արզումանյանը ևս, մի շարք քաղաքական գործիչների հետ, անազատության մեջ է եղել։
Ավելի վաղ՝ Ռոբերտ Քոչարյանի պաշտոնավարման ժամանակ, 2007-ին փողերի լվացման մեղադրանքով կրկին անազատության մեջ էր Արզումանյանը, ազատ է արձակվել մայիսի 7-ին՝ հանցակազմի բացակայության հիմքով։
Սեդա Ղուկասյան
