19.09.2024 | 23:29
ԵԽ Նախարարների կոմիտեն Թուրքիայի կողմից ստանձնած պարտավորությունները չկատարելու վեց դեպք կքննարկի
Լիբանանում պայթյունների նոր շարք է տեղի ունեցել
Քաղաքականություն
18.09.2024 | 19:53
Լիբանանում նոր պայթյուններ են տեղի ունեցել։ Առնվազն երկու պայթյուն է Լիբանանի հարավում գտնվող «Հըզբոլլահ»-ի հենակետում և Բեյրութի հարավային արվարձաններում, հայտնում է Reuters-ը։
Ըստ France 24-ի՝ լիբանանյան լրատվամիջոցները հաղորդում են մի քանի պայթյունների մասին հարավային Նաբաթիե, Սիդոն, Թյուր քաղաքների մոտ գտնվող գյուղերում, ինչպես նաև Բեյրութի հարավային արվարձանում գտնվող «Հըզբոլլահ»-ի հենակետում, որը հայտնի է որպես Դահիե:
Նոր պայթյունների հետևանքով տասնյակ մարդիկ են վիրավորվել։
AFP-ին էլ «Հըզբոլլահ»-ին մոտ կանգնած աղբյուրը հայտնել է, որ խմբավորման անդամների կողմից օգտագործվող հեռահաղորդակցության միջոցներն են պայթել Բեյրութում գտնվող հենակետում։ Սարքերը պայթել են տարածքում գտնվող երկու մեքենաների մեջ:
Թարգմանությունը`Էմմա Չոբանյանի
