22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Թուրքիան ընդլայնելու է կապերը ՇՀԿ-ի և BRICS-ի հետ․ Էրդողան
Քաղաքականություն
18.09.2024 | 20:56
Թուրքիան կընդլայնի կապերը Շանհայի համագործակցության կազմակերպության (ՇՀԿ) և BRICS-ի հետ։ Սա բնական գործընթաց է, Անկարան Արևմուտքի և Արևելքի միջև ընտրություն կատարելու անհրաժեշտություն չի տեսնում, հայտարարել է երկրի նախագահ Ռեջեփ Թայիփ Էրդողանը, փոխանցում է ՌԻԱ Նովոստին։
«Թուրքիան, իհարկե, դեմքով կանգնած է դեպի Արևմուտք։ Սակայն դա չի նշանակում, որ մենք երես ենք թեքելու Արևելքից և չենք զարգացնելու մեր հարաբերությունները: Մենք այլևս չենք ապրում սև ու սպիտակ աշխարհում, որտեղ նախապատվությունը պետք է տրվի մեկին։ Մենք ցանկանում ենք զարգացնել մեր համագործակցությունը բոլոր կողմերի հետ, որը հիմնված է հավասարակշռված փոխըմբռնման և փոխշահավետ համագործակցության վրա»,- հայտարարել է Էրդողանը։
ՌԴ նախագահի օգնական Յուրի Ուշակովն ավելի վաղ հայտնել է, որ Թուրքիան BRICS-ին լիիրավ անդամակցության հայտ է ներկայացրել, որը կքննարկվի։ Նրա խոսքով՝ Թուրքիայի նախագահն ընդունել է BRICS-ի գագաթնաժողովին մասնակցելու հրավերը։
Էրդողանը նաև հայտարարել էր, որ անդամակցությունը ՇՀԿ-ին նույնպես Թուրքիայի նպատակներից մեկն է։
Թարգմանությունը՝ Տաթև Ֆռանգյանի
