09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
«Մոսադ»-ը «Հըզբոլլահ»-ի 5000 փեյջերների մեջ պայթուցիկներ է տեղադրել․ Reuters
Քաղաքականություն
18.09.2024 | 13:12
Իսրայելական «Մոսադ» հետախուզական ծառայությունը պայթուցիկներ է տեղադրել 5000 փեյջերում, որոնք լիբանանյան «Հըզբոլլահ» խմբավորման կողմից ներկրվել են Թայվանից, հայտնում է Reuters-ը՝ հղում անելով իր աղբյուրներին։
Նախօրեին փեյջերները պայթել են, ինչի հետևանքով զոհվել է 11 մարդ, վիրավորվել՝ 4 հազարը։
Լիբանանի անվտանգության ծառայության տվյալներով՝ փեյջերներն արտադրվել են թայվանական Gold Apollo ընկերության կողմից։ Սակայն ընկերությունից սա չեն հաստատել և բացատրել են, որ արտադրությունն իրականացրել է BAC-ը, որն ունի թայվանական ապրանքանիշն օգտագործման արտոնագիր։ Այս ընկերությունը գտնվում է Եվրոպայում, սակայն կոնկրետ ո՞ր երկրում, պաշտոնապես չի նշվում։
Reuters-ը գրում է, որ «Մոսադ»-ը կարող էր ամիսներ շարունակ մշակել պայթեցման ծրագիրը։
Գործակալության աղբյուրի համաձայն՝ պատվիրված 5 հազար փեյջերները Լիբանան են ներկրվել տարեսկզբին։ Ենթադրաբար, Իսրայելը դրանցում պայթուցիկ է տեղադրել։
««Մոսադ»-ը սարքի ներսում պայթուցիկ է տեղադրել, որը կոդ է ստանում։ Այն [նյութը] շատ դժվար է հայտնաբերել ցանկացած միջոցով, նույնիսկ ցանկացած սարքի կամ սքաների օգտագործմամբ»,- պարզաբանել է գործակալության աղբյուրը։
Նա հավելել է, որ 3000 փեյջեր պայթել է, երբ դրանց կոդավորված հաղորդագրություն է ուղարկվել։ Այն միաժամանակ ակտիվացրել է պայթուցիկները բոլոր սարքերի վրա:
Թարգմանությունը՝ Տաթև Ֆռանգյանի
