11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Արևմտյան հրթիռներով հարվածների հնարավորությունը ՌԴ-ին ստիպել է տեղափոխել մարտական ինքնաթիռները
Քաղաքականություն
17.09.2024 | 17:00
Ուկրաինան ԱՄՆ-ից թույլտվություն չի ստացել 250 կմ-ից ավելի հեռահարությամբ հրթիռներ օգտագործելու համար։ Նման որոշման հնարավորության մասին ամերիկյան մամուլը գրել էր անցյալ շաբաթ։ Այնուամենայնիվ, իրադարձությունների նման զարգացման նույնիսկ տեսական հնարավորությունը Ռուսաստանին ստիպել է փոխել ավիացիայի և, հնարավոր է, նավատորմի գործողությունները, գրում է BBC-ի ռուսական ծառայությունը։
Ռուսաստանը չի սպասել, որ դաշնակիցները լուծեն հրթիռների կիրառման հարցը, և նախապես իր ինքնաթիռները հեռացրել է առաջնագծից։ Ըստ հրապարակման՝ այս գործընթացը շարունակվում է արդեն մի քանի ամիս։
Բացի այդ, վերջին օրերին Ռուսաստանի Սևծովյան նավատորմը, որը նախկինում իր ռազմանավերը Սևաստոպոլից տեղափոխել էր Նովոռոսիյսկ, այժմ մեկ շաբաթվա ընթացքում երկրորդ անգամ լքում է նոր բազան։
Այսպիսով, նոր հրթիռները, որոնք Ուկրաինան դեռևս չի կարող օգտագործել Ռուսաստանի տարածքում գտնվող թիրախների դեմ, ծառայում են որպես իրական զսպիչ գործիք, միայն իրենց ներկայությամբ և կիրառման ուղղակի սպառնալիքով դրանք թշնամուն ստիպում են նվազեցնել ավիացիայի աշխատանքի ինտենսիվությունը։
