19.09.2024 | 19:45
«Վերջին արցախցիները»
Երևանի օդում փոշու պարունակությունը չափող 108 սարք է տեղադրվել. տվյալներն առցանց հասանելի են բոլորին
16.09.2024 | 17:40
Երևանում օդի աղտոտվածության ցուցանիշներն այսօր ընդհանուր առմամբ գերազանցում են սահմանված չափանիշները: Հիմնական պատճառը շինարարական փոշին է ու ազոտը՝ մեքենաների արտանետումներից:
Խնդիրը լուծելու համար Երևանի քաղաքապետարանը դեռ նախորդ տարի նախաձեռնեց նոր ծրագիր: Քաղաքի շինհրապարակներում տեղադրվեցին օդում փոշու քանակը չափող սարքավորումներ: Այսօր արդեն Երևանում նման 108 սարք է տեղադրվել 4-րդ և 5-րդ աստիճանի ռիսկայնության շինհրապարկներում․ տեղեկացնում են Երևանի քաղաքապետարանից։
Սարքի միջոցով ստացված տվյալներն առցանց հասանելի են քաղաքապետարանի պաշտոնական կայքում: Երևանում ամենաբարձր աղտոտվածության ցուցանիշը Էրեբունի, Կենտրոն և Շենգավիթ վարչական շրջաններում է: Ավանն ու Դավթաշենն ամենամաքուրն են:
Խնդրի հիմնական լուծումը կանաչ գոտիների վերականգնումն է ու ընդլայնումը, անտառային՝ բուֆերային գոտիների ստեղծումը: Սա, իհարկե, երկարաժամկետ նախագիծ է: Մինչ այդ համայնքը ամենօրյա հսկողություն է սահմանում շինարարական հրապարակների պատշաճ կազմակերպմանը, այդ թվում փոլեկլանիչ ցանցերի ապահովմանը, ինչն էապես կարող է մեղմել իրավիճակը:
Երևանում օդի աղտոտվածության խնդիրը ոչ միայն բնապահպանական է, այլև առողջապահական: Այս ուղղությամբ համայնքի ծրագրերը շարունակական են:
Մանրամասները՝ տեսանյութում:
