19.09.2024 | 20:16
ՄԻՊ-ն ընդունել է ՄԱԿ-ի Թմրամիջոցների և հանցավորության դեմ պայքարի գրասենյակի ներկայացուցիչներին
Պուտինը պատերազմի մեկնարկից ի վեր երրորդ անգամ ավելացրել է բանակի անձնակազմի թիվը
Քաղաքականություն
16.09.2024 | 20:50
ՌԴ նախագահ Վլադիմիր Պուտինը հրամանագիր է ստորագրել երկրի Զինված ուժերի անձնակազմի թվաքանակի սահմանման մասին։ Փաստաթուղթը հրապարակվել է իրավական տեղեկատվության պաշտոնական պորտալում, գրում է Meduza-ն։
Ըստ հրամանագրի՝ ՌԴ զինված ուժերի թվաքանակը կկազմի 2,389,130 մարդ, այդ թվում՝ 1,500,000 զինծառայող։ Հրամանագիրն ուժի մեջ է մտնում 2024 թվականի դեկտեմբերից։
Նախորդ համանման հրամանագրում, որը Պուտինը ստորագրել էր 2023 թվականի դեկտեմբերին, ՌԴ զինված ուժերի անձնակազմի թիվն ավելացել էր մինչև 2,209,130 մարդու (1,329,000 զինծառայող):
Այսպիսով՝ Պուտինը բանակի անձնակազմն ավելացրել է 180 հազարով։
Մինչ այս, ՌԴ նախագահը բանակի թվաքանակն ավելացրել էր 2022 թվականի օգոստոսին։ Այդ ժամանակ ՌԴ-ում գործում էր 2017-ի հրամանը, որի համաձայն՝ բանակի անձնակազմը կազմում էր 1,013, 628 զինվորական։
