09.09.2026 | 22:51
«Tour of Armenia»-ն առաջին անգամ Հայաստանում․ սեպտեմբերի 10-ից ճանապարհներին սահմանափակումներ կլինեն
Թուրքիան Ադրբեջանում նոր ռազմական կցորդ է նշանակել
Քաղաքականություն
12.09.2024 | 13:54
Թուրքիան Ադրբեջանում նոր ռազմական կցորդ է նշանակել՝ գեներալ-մայոր Գաֆֆար Գյորենին։ Նա ներկայացվել է Ադրբեջանի պաշտպանության նախարար Զաքիր Հասանովին։ Ադրբեջանի ՊՆ-ի հաղորդմամբ՝ Հասանովը շնորհավորել է նրան գործունեության մեկնարկի կապակցությամ, ընդգծել «երկու եղբայրական պետությունների ղեկավարների անկեղծ հարաբերությունների բացառիկ ազդեցությունը երկկողմ ռազմական, ինչպես նաև այլ ոլորտներում համագործակցության զարգացման վրա»։
Ըստ Հասանովի՝ ադրբեջանա-թուրքական հարաբերությունները հիմնված են բարեկամության, եղբայրության և ռազմավարական դաշինքի վրա։
Նա հաջողություն է մաղթել Գյորենին Ադրբեջանի և Թուրքիայի միջև ռազմական համագործակցության ընդլայնմանն ուղղված հետագա գործունեության մեջ։
Գյորենն իր հերթին նշել է, որ կներդնի բոլոր ջանքերը երկու երկրների միջև ռազմական համագործակցության հետագա զարգացման համար։
Նշվում է, որ ռազմական կցորդի գործունեությունն ավարտած գեներալ-մայոր Սոներ Օրուչօղլուի մասնակցությամբ հանդիպմանը մտքերի հանգամանալից փոխանակում է տեղի ունեցել ռազմական, ռազմատեխնիկական, ռազմակրթական և այլ ոլորտներում համագործակցության նոր հեռանկարների, ինչպես նաև փոխադարձ հետաքրքրություն ներկայացնող այլ հարցերի շուրջ։
