27.06.2026 | 12:48
Գտնում եմ, որ ողջ ՀՀ-ում պետք է վերաքվեարկություն նշանակվի, անվավեր ճանաչվի այս ընտրությունը․ Օրբելյան․ ՏԵՍԱՆՅՈՒԹ
Փրկարարները մասնատել են տապալված ծառի ճյուղերը
12.09.2024 | 10:05
Սեպտեմբերի 11-ին, ժամը 19։08-ին Ճգնաժամային կառավարման ազգային կենտրոն տեղեկություն է ստացվել, որ Երևան քաղաքի Յ․ Կողբացու փողոցի շենքերից մեկի բակում ծառն ընկել է կայանած ավտոմեքենաների վրա, անհրաժեշտ է փրկարարների օգնությունը․ տեղեկացնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ շենքի բակում ծառը տապալվել է՝ վնասելով «Nissan» (սեփականատեր՝ Թ․ Ա․, ծնված 1990 թ․) և «Suzuki» (սեփականատեր՝ Ա․ Պ․, ծնված 1992 թ․) մակնիշների ավտոմեքենաները, տուժածներ չկան․ բակային ավտոճանապարհը փակ է։
Փրկարարներն իրականացրել են ծառի առավել վտանգավոր ճյուղերի մասնատման և տեղափոխման աշխատանքներ։ Անհրաժեշտ է կանաչապատման ծառայության աշխատակիցների ներգրավումը։
