30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Բախվել են ավտոմեքենաներ․ տուժածներ չկան
11.09.2024 | 15:14
Սեպտեմբերի 11-ին, ժամը 08։38-ին Ճգնաժամային կառավարման ազգային կենտրոն տեղեկություն է ստացվել, որ Երևան քաղաքի Արշակունյաց պողոտայից Նորագավիթ տանող ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը․ տեղեկացնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Արշակունյաց պողոտայի թիվ 127/134 հասցեի մոտակայքում բախվել են «Mercedes-Benz» (վարորդ՝ Դ․ Գ․, ծնված 1989 թ․) և երկու «Volkswagen» (վարորդներ՝ Գ․ Մ․, ծնված 1992 թ․ և Գ․ Վ․, ծնված 1981 թ․) մակնիշների ավտոմեքենաները․ «Mercedes-Benz» մակնիշի ավտոմեքենան շրջվել է։
Փրկարարները հոսանքազրկել են «Mercedes-Benz» և «Volkswagen» մակնիշների ավտոմեքենաները, փակել «Volkswagen» մակնիշի ավտոմեքենաներից մեկի գազի բալոնի փականը, սահմանազատել տարածքն ու ոստիկանության աշխատակիցների և տեղի ուժերի հետ ուղղել շրջված ավտոմեքենան։
