15.05.2026 | 10:23
Փաշինյանը ցավակցական ուղերձ է հղել Նիկոլայ Ծատուրյանի մահվան կապակցությամբ
Առուշ Առուշանյանը կազատազրկվի. դատարանը հրապարակեց դատական ակտը
Հասարակություն
10.09.2024 | 13:12
Գորիսի քաղաքապետ Առուշ Առուշանյանը կազատազրկվի 1 տարի 8 ամսով։ Սյունիքի մարզի ընդհանուր իրավասության դատարանի դատավոր Վարսենիկ Մելքոնյանը քիչ առաջ, փաստացի բավարարեց Պրոբացիոն ծառայության միջնորդությունը և որոշեց ազատազրկել Առուշանյանին։ Դատական ակտն օրինական ուժի մեջ կմտնի 1 ամիս անց, եթե պաշտպանական կողմը վերաքննիչ բողոք չներկայացնի։
Հիշեցնենք՝ Պրոբացիոն ծռայությունը օգոստոսի 16-ին Գորիսի ավագանուն էր ուղարկել Առուշանյանի վերաբերյալ 2022 թվականի մարտին կայացրած դատավճիռը՝ դրա կատարումն ապահովելու նպատակով։ Ըստ դատական այդ ակտի՝ Առուշանյանը 5 տարի ժամկետով չի կարող ՏԻՄ ղեկավար պաշտոն զբաղեցնել։ Ավագանին, սակայն, օգոստոսի 19-ի արտահերթ նիստում արձանագրել է՝ Առուշանյանի պաշտոնավարումը դադարեցնելու լիազորություն չունի: Այս որոշումից 3 օր անց Պրոբացիայի ծառայությունը միջնորդություն ներկայացրեց դատարան՝ Առուշ Առուշանյանին ազատազրկելու համար:
Հիշեցնենք՝ 2022-ի մարտի 28-ին Սյունիքի մարզի ընդհանուր իրավասության դատարանը Առուշ Առուշանյանին մեկ դրվագով մեղավոր էր ճանաչել և դատապարտել ազատազրկման՝ 1 տարի 6 ամիս ժամկետով, որպես պատիժ կիրառել տուգանք 700 հազար ՀՀ դրամի չափով, իսկ ՏԻՄ ղեկավար պաշտոն զբաղեցնելը սահմանափակել 5 տարով։ Այս դատավճիռը բողոքարկվել էր վերադաս ատյաններում, սակայն անարդյունք, ինչի հետևանքով այս տարվա հուլիսին վճիռը մտել է ուժի մեջ:
