15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Իմը և քոնը այլևս չկա, ոչ մի բան չեմ բացառում․ Հայկ Մարությանը՝ կոալիցիա կազմելու մասին
Քաղաքականություն
10.09.2018 | 12:41
Ինչպես արդեն տեղեկացրել ենք, այսօր մեկնարկել է «Իմ քայլը» դաշինքի քարոզարշավը։ Դաշինքի քաղաքապետի թեկնածու Հայկ Մարությանը լրագրողների հետ զրույցում նշեց, որ պատրաստ է ավագանու ընտրություններին մասնակցող 12 քաղաքական ուժերի հետ դեբատների մասնակցել։
«Ոչ մեկին չեմ ուզում նախապատվություն տալ և չեմ ուզում, որ խտրականություն լինի։ Բոլորս միասին, եթե հավաքվում ենք, 12 հոգով մեկ տաղավարում խոսում ենք՝ բոլորին տրված հավասար ժամանակով և հնարավորություններով։ Դեբատները շատ կարևոր են, ինքս կողմ եմ և պատրաստ եմ», – ասաց նա։
Քաղաքապետարանում հայտնվելու պարագայում արդյոք պատրաստ է կոալիցիա կազմել այլ ուժերի հետ, Հայկ Մարությանն ասաց․ «Բոլոր այն ուժերը, որոնք անցնելու են Երևանի քաղաքապետարան, նշանակում է, որ նրանք լեգիտիմ են և ստացել են ժողովրդի մանդատը և բոլորի հետ պետք է համագործակցենք։ Բոլորի ծրագրային լավ դրույթները միասին ենք իրականացնելու, իմը և քոնը այլևս չկա։ Ոչ մի բան չեմ բացառում, որը կարող է նպաստել էֆեկտիվ աշխատանքին»։
