05.08.2026 | 16:54
Պուտինը հայտարարել է ռուսական բանակում վերադասավորումների մասին
«Իմ ձեռագործ Հայաստան» փառատոնը՝ «Գաֆէսճեան» քանդակների պարտեզում
Մշակույթ
09.09.2024 | 17:35
Սեպտեմբերի 14-15-ին «Գաֆէսճեան» քանդակների պարտեզում (Կասկադում) տեղի կունենա «Իմ ձեռագործ Հայաստան» փառատոնը, որի ընթացքում Հայաստանի տարբեր մարզերից ժամանած, Արցախից տեղահանված արհեստագործ վարպետները կներկայացնեն իրենց արտադրանքը և ձեռագործ աշխատանքները․ տեղեկացնում են «Արհեստագործների միություն» մշակութային հիմնադրամից։
Երկօրյա միջոցառմանը ժամը՝ 12։00-19:00-ը կկազմակերպվի ցուցահանդես-վաճառք և կանցկացվեն վարպետաց դասեր:
«Իմ ձեռագործ Հայաստան» փառատոնը հարթակ է, որն ուղղված է երկրի գյուղական համայնքների զարգացմանը, ստեղծագործական տարբեր համայնքների միջև կապի ամրապնդմանը և միևնույն բնագավառի մարդկանց շփման հնարավորությանն ու հետագա համագործակցությանը:
Միջոցառումն իրականացվում է «Արհեստագործների միություն» մշակութային հիմնադրամի նախաձեռնությամբ, «Տերյան մշակութային կենտրոն» ՀԿ-ի համագործակցությամբ:
