16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Հինգ տարով գալիս եմ ծառայության. Հայկ Մարությանը սկսեց քարոզարշավը․ ՏԵՍԱՆՅՈՒԹ
Քաղաքականություն
10.09.2018 | 12:14
Այսօր մեկնարկել է «Իմ քայլը» դաշինքի քարոզարշավը, որը սկսվեց քայլերթով։ Դաշինքի կողմից առաջադրված քաղաքապետի թեկնածու Հայկ Մարությանը լրագրողների հետ զրույցում նշեց, որ քարոզարշավի օրերի ընթացքում շրջելու են բոլոր վարչական շրջաններում, իսկ օրվա վերջում քարոզարշավն ամփոփելու են հանրահավաքով։
Հայկ Մարությանը նշեց, որ ամենակարևոր ուղերձն այն է, որ սեպտեմբերի 23-ը երևանցիների համար լինելու է պատմական օր, քանի որ առաջին անգամ իրականացվելու են ազատ և արդար ընտրություններ։ Նա խոստացավ, որ ամեն ինչ անելու է, որ քաղաքացիները հենց իրեն ընտրեն։
Հայկ Մարությանը շեշտեց նաև՝ հինգ տարով գնում է ծառայության, քանի որ ստեղծվել է հնարավորություն կրել պատասխանատվություն տարիներ շարունակ բարձրաձայնված խնդիրների լուծման ուղիները գտնելու համար։
Հարցին՝ տեղյակ է, որ քաղաքապետարան մուտք գործելիս հնարավոր է բախվի կոռուպցիոն սխեմաների, «Իմ քայլը» դաշինքի քաղաքապետի թեկնածուն ասաց․ «Գրեթ համոզված եմ, որ այդպիսի բան է լինելու, դրա համար էլ գալիս ենք, որ այդ սխեմաները քանդենք և ամեն ինչ դարձնենք թափանցիկ»։
Մանրամասները՝ տեսանյութում։
