23.11.2024 | 12:34
ԱԺ պատգամավորներ կգործուղվեն Մոսկվա
Արուսյակ Ջուլհակյանը նշանակվել է ԿԿՀ անդամների պաշտոններում թեկնածուների ընտրության համար ձևավորվող մրցութային խորհրդի անդամ
Քաղաքականություն
09.09.2024 | 12:34
Սեպտեմբերի 9-ին ԱԺ խորհուրդը գումարել է արտահերթ նիստ, որի օրակարգում էր Կոռուպցիայի կանխարգելման հանձնաժողովի անդամների պաշտոններում թեկնածուների ընտրության համար ձևավորվող մրցութային խորհրդի անդամ նշանակելու մասին հարցը․ հայտնում են ՀՀ ԱԺ-ից:
ԱԺ նախագահ Ալեն Սիմոնյանը հիշեցրել է, որ նախորդ նստաշրջանի ընթացքում Կոռուպցիայի կանխարգելման հանձնաժողովի անդամներ նշանակելու մասին ԱԺ որոշումները չեն ընդունվել: Ուստի ԿԿՀ երկու անդամի ընտրության համար պետք է ձևավորվի նոր մրցութային խորհուրդ, որը կազմված է Կառավարության, Բարձրագույն դատական խորհրդի, Մարդու իրավունքների պաշտպանի, Փաստաբանների պալատի և Ազգային ժողովի խմբակցությունների կամ ԱԺ խորհրդի նշանակած մեկական անդամներից:
«Քաղաքացիական պայմանագիր» խմբակցությունն առաջադրել է ԱԺ պատգամավոր Արուսյակ Ջուլհակյանի թեկնածությունը, իսկ «Հայաստան» և «Պատիվ ունեմ» խմբակցությունները թեկնածուներ չեն առաջադրել:
Խորհրդի որոշմամբ Արուսյակ Ջուլհակյանը նշանակվել է ԿԿՀ անդամների պաշտոններում թեկնածուների ընտրության համար ձևավորվող մրցութային խորհրդի անդամ:
