05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
ԱՄՆ Հելսինկյան հանձնաժողովը լսումներ կանցկացնի Հայաստանի վերաբերյալ
Քաղաքականություն
05.09.2024 | 18:15
ԱՄՆ Հելսինկյան գրասենյակը սեպտեմբերի 10-ին լսումներ կանցկանցի, որոնց նպատակն է հասկանալ, թե ԱՄՆ-ն ինչպես կարող է աջակցել Հայաստանի ժողովրդավարությանը և արևմտամետ ապագային, ասվում է գրասենյակի X-ի էջում արված գրառման մեջ։
Նշվում է, որ Հայաստանը գտնվում է անկայուն ռազմավարական իրավիճակում, բայց այն խորապես դիմացկուն երկիր է, որը ժողովրդավարության օրինակ է տարածաշրջանում։
«Հուլիսին Հելսինկյան հանձնաժողովի ղեկավարության երկկուսակցական անդամները Ներկայացուցիչների պալատից և Սենատից և Կոնգրեսի այլ բարձրաստիճան անդամներ այցելեցին Հայաստան՝ տեսնելու Հայաստանի ժողովրդավարական և ավելի ու ավելի արևմտամետ կողմնորոշման պտուղները: Անդամները տեսել են Հայաստանի անկայուն ռազմավարական իրավիճակը, բայց նաև նրա խորը դիմացկունությունը, ժողովրդավարական օրինակը տարածաշրջանում և հասարակական-քաղաքական կոնսենսուսը՝ հօգուտ եվրոպական ապագայի»,- ասվում է գրասենյակի տարածած հաղորդագրության մեջ:
Հաղորդվում է նաև, որ «այս լսումները նպատակ ունեն գծել ուղիներ, որոնցով Միացյալ Նահանգները և Կոնգրեսը կարող են աջակցել Հայաստանին՝ շարունակելու իր ժողովրդավարական ուղին, ապահովելու իր ինքնիշխանությունը, վերջնականապես հաստատելու խաղաղություն և հարաբերությունները կարգավորելու Ադրբեջանի և Թուրքիայի հետ, ինչպես նաև զսպելու Ռուսաստանի չարագործ ջանքերը»:
