09.08.2026 | 16:37
Վթարային ջրանջատում Կտայքում և Երևանում
ԲԱՆԱՎԵՃ․ Ադրբեջանը դուրս կգա՞ ՀՀ-ից զավթած տարածքներից․ սահմանազատման կանոնադրությունը հաստատվեց. ՏԵՍԱՆՅՈՒԹ
Քաղաքականություն
05.09.2024 | 21:00
ՀՀ կառավարությունն այսօր հավանություն տվեց սահմանազատման հանձնաժողովների գործունեության կանոնակարգին։ Կանոնակարգը պետք է փոխանցվի ՍԴ․ բարձր դատարանը կպարզի՝ արդյո՞ք այն համապատասխանում է մայր օրենքին, որից հետո Ազգային ժողովը պետք է վավերացնի փաստաթուղթը։
3-4 ամիս առաջ, երբ Տավուշի մարզում սահմանազատումից հետո 4 գյուղ անցավ Ադրբեջանի հսկողության տակ, շատերն էին թերահավատ, որ Բաքվի հետ հնարավոր կլինի Ալմա Աթայի հռչակագրով սահմանազատման համաձայնության հասնել։ Այս կանոնագրքում նշված է Ալմա Աթայի հռչակագիրը՝ որպես սահմանազատման հիմք։ Բայց նաև նշված է՝ եթե խաղաղության համաձայնագրով այլ կարգավորումներ նախատեսվեն, դա է հիմքում դրվելու, այլ սկզբունք կգործի։
Գլխավոր հարցը որ այսօր առկա է հետևյալն է՝ արդյո՞ք Ադրբեջանը կառուցողական սահմանազատում կիրականացնի և արդյունքում՝ դուրս կգա 2020-ից 2024 թվականներին ՀՀ-ից զավթած տարածքներից։ Օկուպացված տարածքի մակերեսը 200-ից 300 ք/կմ է։ Factor TV-ի բանավեճին մասնակցում են Լիլիթ Դալլաքյանը՝ քաղաքագետ, Անդրիաս Ղուկասյանը՝ քաղաքագետ, Հայ կառուցողական կուսակցության ղեկավար, Ռոբերտ Ղևոնդյանը՝ «Անվտանգային քաղաքականության հետազոտական կենտրոնի» փորձագետ, Դավիթ Կարապետյանը՝ միջազգայնագետ, Ռուբեն Գալչյանը՝ քարտեզագետ, աշխարհագրագետ։
