26.11.2024 | 19:35
No comment. Ասլանյանը՝ Փաշինյանի խնդրանքի, Աղազարյանի` մանդատը վայր դնելու մասին. ՏԵՍԱՆՅՈՒԹ
ԿԿառուցվի մետրոյի նոր կայան, լինելու է երթևեկության տոմսերի միասնական համակարգ. Հայկ Մարությանը ներկայացնում է իր անելիքը քաղաքապետի պաշտոնում
Քաղաքականություն
09.09.2018 | 14:16
«Իմ քայլը» դաշինքի քաղաքապետի թեկնածու Հայկ Մարությանն այսօր հրավիրված մամուլի ասուլիսի ժամանակ, խոսելով սպասվող ընտրությունների մասին, նշեց, որ առաջին անգամ ՀՀ-ում անցկացվելու են արդար ու թափանցիկ ընտրություններ:
«Դա իրողություն դարձավ այն հեղափոխությամբ, որը կատարեց ժողովուրդը: Դաշինքի ցուցակում ընդգրկվել են մարդիկ, ովքեր տարիներ շարունակ պայքարել են արդարության համար»,- ասաց նա:
Քաղաքապետի թեկնածուն հայտարարեց, որ իրենց նախընտրական ծրագիրը կազմված է 50 կետից, որոնք միտված են Երևանի կարևոր խնդիրների լուծմանը:
«Գծվելու է տրանսպորտի նոր ցանց, լինելու է երթևեկության տոմսերի միասնական համակարգ: Երկարացվելու է երթևեկության ժամանակը՝ մինչեւ 24:00-ն: Լինելու են նաև գիշերային երթուղիներ, որոնք աշխատելու են գիշերվա ընթացքումը: Նախատեսվում է մետրոյի նոր կայարան կառուցել, որի մեկ կմ-ի համար նախատեսվում է 50-100 մլն դոլար»,- ասաց նա:
Հայկ Մարությանը նաև նշեց, որ ներդրումներ բերելու համար կօգտագործի իր անձնական կապերը:
«Մենք մեր ծրագիրը գրելիս մի քանի կարևոր սկզբունքներ ենք հաշվի առել. մշտապես գործել քաղաքի կառավարման արդյունավետության բարձրացմանը միտված, որոշումներ կայացնելիս առաջնորդվել մարդկանց իրավունքների, շրջակա միջավայրի պաշտպանությամբ և հոգատարությամբ, ապահովել քաղաքի կառավարման ներառականությունը, աշխատանքում լինել թափանցիկ և հաշվետու, Երևանը դարձնել հարմարավետ, իսկ այցելուների համար՝ ճամփորդական ուղենիշ»,- ասաց «Իմ քայլը» դաշինքի քաղաքապետի թեկնածուն:
