01.11.2024 | 22:14
Ժնևի ՄԱԿ-ի գրասենյակում բացվել է Հայաստան-Ֆրանսիա բարեկամության սենյակ
Դմիտրի Կուլեբան ազատվել է Ուկրաինայի ԱԳ նախարարի պաշտոնից
Քաղաքականություն
05.09.2024 | 14:01
Ուկրաինայի Գերագույն Ռադան այսօրվա նիստում հավանություն է տվել Դմիտրի Կուլեբային արտաքին գործերի նախարարի պաշտոնից ազատելուն։ «Европейская правда»-ի հաղորդմամբ՝ այս մասին հայտնել է պատգամավոր Յարոսլավ Ժելեզնյակը։
Կուլեբային պաշտոնանկ անելու օգտին քվեարկել է 240 պատգամավոր։ Ինքը՝ նախարարը, իր պաշտոնանկության քվեարկության ժամանակ դահլիճում չի եղել։
«Ժողովրդի ծառա» խմբակցության նախագահ Դավիթ Արախամիան նախօրեին ասել էր, որ խմբակցությունը կառավարական ռոտացիայի շրջանակում համաձայնեցրել է ԱԳՆ նոր ղեկավարի թեկնածությունը։ Ըստ նրա՝ համաձայնել են քվեարկել գործող արտգործնախարար Դմիտրի Կուլեբայի առաջին տեղակալ Անդրեյ Սիբիգայի՝ արտաքին գործերի նոր նախարար նշանակելու օգտին։
