09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
Մյունխենում Իսրայելի հյուպատոսության մոտ հրաձգություն է տեղի ունեցել
Քաղաքականություն
05.09.2024 | 14:53
Գերմանական Մյունխենի ոստիկանությունը հայտնել է, որ առավոտյան հրաձգություն է տեղի ունեցել քաղաքի կենտրոնում։ Նշվում է, որ ոստիկաններ են ուղարկվել դեպքի վայր՝ նացիոնալ-սոցիալիզմի պատմության փաստաթղթային կենտրոն, որի մոտ գտնվում է Իսրայելի գլխավոր հյուպատոսությունը, փոխանցում է DW-ի ռուսական ծառայությունը։
«Carolinenplatz-ի տարածքում ոստիկանները կրակ են բացել կասկածելի անձի ուղղությամբ, նա վիրավորվել է»,- գրել է Մյունխենի ոստիկանությունը X սոցիալական ցանցում։
Միջադեպի վայրը շրջափակված է։
Bild-ը գրել է, որ կասկածյալը զինված է եղել ատրճանակով։ Տղամարդը մեքենայով մոտեցել է Փաստաթղթերի կենտրոնին և կրակ բացել շենքի դիմաց տեղակայված ոստիկանական դիրքի վրա։ Ոստիկանության աշխատակիցը պատասխան կրակ է բացել։
Ոստիկանության լրատվական ծառայությունն իր հերթին հայտնել է, որ իրավապահները նկատել են մի տղամարդու, որի մոտ ակնհայտորեն հրազեն է եղել։
Իսրայելի ԱԳՆ-ն հայտնել է, որ Մյունխենի գլխավոր հյուպատոսության աշխատակիցները չեն տուժել։ Նրանցից շատերը հյուպատոսությունում չեն եղել, քանի որ մասնակցել են 1972 թվականի սեպտեմբերի 5-ին Մյունխենի Օլիմպիական խաղերում տեղի ունեցած ահաբեկչության զոհերի հիշատակին նվիրված միջոցառումներին։
