30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Եգիպտոսի նախագահի՝ Թուրքիայի այցի ընթացքում 200 մլն դոլարի ներդրումային համաձայնագրեր են ստորագրվել
Քաղաքականություն
05.09.2024 | 15:20
Եգիպտոսի նախագահ Աբդել Ֆաթթահ ալ-Սիսիի՝ Անկարա կատարած այցի ժամանակ թուրք-եգիպտական ընկերությունը Եգիպտոսի կառավարության հետ երկու համաձայնագիր է ստորագրել՝ 200 մլն դոլար ներդրում կատարելու երկրի երկու արդյունաբերական գոտիների զարգացման համար։ Polaris Parks-ի գործադիր տնօրեն Օսման Էվրեն Արիկանը պայմանագիր է ստորագրել Եգիպտոսի Նոր Հոկտեմբեր քաղաքում 2,6 միլիոն քառակուսի մետր հողատարածք ձեռք բերելու մասին՝ արդյունաբերական գոտի ստեղծելու համար։
Middle East Eye-ի հետ զրույցում Արիկանն ասել է, որ նախագիծը պետք է ավարտին հասցնեն առավելագույնը հինգ տարի ժամկետում՝ 25,000-ից 30,000 աշխատատեղերի ստեղծմամբ:
Արիկան Անկարայում «Administrative Capital Company»-ի հետ նաև փոխըմբռնման առանձին հուշագիր է ստորագրել:
«Այս երկու նախագծերը միասին կներգրավեն ներդրումներ 1000 ընկերություններից՝ աշխատատեղեր ստեղծելով 50,000 մարդու համար։ Նրանք միասին կստանան ավելի քան 2 միլիարդ դոլար ուղղակի ներդրումներ»,- ասել է նա լրատվամիջոցին։
Նշենք, որ նախօրեին Անկարայում նախագահական համալիրում տեղի է րունեցել Ռազմավարական համագործակցության բարձր մակարդակի խորհրդի նիստը, որը վարել են Թուրքիայի ու Եգիպտոսի նախագահներ Ռեջեփ Թայիփ Էրդողանն ու Աբդել Ֆաթթահ ալ-Սիսին։ Հանդիպումից հետո երկու երկրների նախագահների ներկայությամբ ստորագրվել է տարբեր ոլորտներում համագործակցության 17 համաձայնագիր։
