30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Պուտինը ռուսական բանակի առաջնային նպատակ է անվանել Դոնբասի գրավումը, այլ ոչ թե Կուրսկի շրջանի ազատագրումը
Քաղաքականություն
05.09.2024 | 14:18
Ռուսական բանակի առաջնահերթ նպատակը Դոնբասի «ազատագրումն» է, այլ ոչ թե Ուկրաինայի Զինված ուժերի կողմից գրավված Կուրսկի շրջանի տարածքները, հայտարարել է ՌԴ նախագահ Վլադիմիր Պուտինը, փոխանցում է The Moscow Times-ը։
Նրա խոսքով՝ ներխուժելով Կուրսկի շրջան՝ Ուկրաինայի զինված ուժերը փորձել են ստիպել ռուսական կողմին «նյարդայնանալ, աղմուկ բարձրացնել, զորքեր տեղափոխել մի տարածքից մյուսը և դադարեցնել հարձակումն առանցքային ուղղություններով, առաջին հերթին՝ Դոնբասում»։ Սակայն վերապատրաստված ստորաբաժանումներ տեղափոխելով Կուրսկի շրջան՝ «թշնամին թուլացավ», և ռուսական բանակն արագացրեց հարձակողական գործողությունները, ասել է Պուտինը:
«Նման տարածքային ձեռքբերումներ վաղուց չեն եղել»,- ընդգծել է Ռուսաստանի ղեկավարը՝ հավելելով, որ դրանք «հաշվարկվում են քառակուսի կիլոմետրերով»։
Պուտինը նաև ասել է, թե ռուսական բանակն ուկրաինական զինված ուժերի ներխուժումից մեկ ամիս անց «կայունացրել է իրավիճակը» Կուրսկի շրջանում և սկսել է «աստիճանաբար դուրս մղել» ուկրաինական զորքերին։
«Զինված ուժերի սուրբ պարտքն է անել ամեն ինչ՝ թշնամուն այս տարածքներից դուրս շպրտելու և մեր քաղաքացիներին հուսալիորեն պաշտպանելու համար»,- հավելել է Պուտինը։
