30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Պուտինը՝ Դուրովի գործի մասին
Քաղաքականություն
05.09.2024 | 16:14
ՌԴ նախագահ Վլադիմիր Պուտինը Արևելյան տնտեսական ֆորումում ունեցած ելույթում մեկնաբանել է Տելեգրամի հիմնադիր Պավել Դուրովի գործը, որը ձերբակալվել էր Փարիզում և մեղադրվում է իշխանությունների հետ համագործակցությունից հրաժարվելու, թմրանյութերի և մանկական պոռնոգրաֆիայի տարածմանը մեղսակցության մեջ, գրում է Meduza-ն։
«Ես հանդիպել եմ Դուրովին Մոսկվայում տարիներ առաջ։ Նա ուղղակի պատմել է պլանների մասին։ Ես պարբերաբար հանդիպում եմ բիզնեսի ներկայացուցիչների հետ, և նա մասնակցում էր հանդիպումներից մեկին՝ Կրեմլում է եղել։ Այդ ժամանակից մենք իրար չենք տեսել, ոչ մի կապ չենք պահպանել, ես իրականում չեմ հասկանում, թե ինչու պետք է հանդիպեինք Բաքվում»,- ասել է Պուտինը։
«Մենք մեզ չենք տարանջատում բիզնեսից, այնպես որ, եթե նա ցանկություն ունենար, կարող էր հանդիպել Մոսկվայում, ես դրա մասին էլ ոչինչ չգիտեմ, բայց ենթադրում էի, որ նա ապրում է Մոսկվայում։ Մենք նրա նկատմամբ որևէ պահանջներ չենք ունեցել, սակայն ես գիտեմ, որ շատ երկրներ ունեին՝ հաշվի առնելով, որ հարթակը օգտագործվում է որոշ մարդկանց, որոշ կառույցների կողմից։ Սակայն այդպիսի մեղավորություն ունեն նման բոլոր հարթակները։ Եթե Դուրովի հետ նման կերպ են վարվում, ապա պետք է և մյուսներին փակել, կալանավորել կամ տնային կալանքի տակ դնել»,- հավելել է նա։
Պուտինի խոսքով՝ Պավել Դուրովի նկատմամբ Ֆրանսիայի գործողություններն «այնքան էլ հասկանալի չեն» և կրում են «ընտրողական բնույթ»։
