22.11.2024 | 16:50
Ավինյանն ու Մարությանը կբանավիճեն Factor TV-ի եթերում
Բելառուսի պահանջով ՀՀ-ում կալանավորված Դիանա Մոիսեենկոն ազատ է արձակվել. նա ապաստան է խնդրել
Քաղաքականություն
03.09.2024 | 15:41
Բելառուսի պահանջով Հայաստանում կալանավորված Դիանա Մոիսեենկոն ազատ է արձակվել, սակայն դեռևս չի կարող լքել երկիրը։ Այս մասին նա ասել է «Ազատություն» ռադիոկայանի բելառուսական ծառայությանը, փոխանցում է Current Time-ը։
Մոիսեենկոն սեպտեմբերի 2-ին բերման է ենթարկվել վրաց-հայկական սահմանից, որից հետո նրան տարել են Նոյեմբերյանի ոստիկանական բաժանմունք։
«Ինձ տարան մի գրասենյակ, հետո մեկ այլ գրասենյակ, ասացին, որ իրավունք չունեմ տեղեկություն հայտնելու։ Ինչպես հասկացա՝ օպերատիվ աշխատողը եկավ և ասաց, որ իմ նկատմամբ հետախուզում է հայտարարվել, նաև ասաց, որ մինչև դատը 72 ժամով կկալանավորեն։ Բնականաբար, շոկի մեջ էի»,- պատմել է նա։
Ըստ Մոիսեենկոյի՝ ինքը նույն օրն ազատ է արձակվել, իսկ սեպտեմբերի 3-ին Երևանում հանդիպելու է փաստաբանի հետ։
«Տեսականորեն ինձ չեն կարող արտահանձնել, բայց ես մտավախություն ունեմ, որ կարող են ուժայինները գալ և ինձ տանել։ Չգիտեմ, թե որքանով է դա իրատեսական, ուստի ես արդեն քաղաքական ապաստանի դիմում եմ ներկայացրել»,- ասել է Դիանա Մոիսեենկոն:
