18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Իրանը պատրաստվում է բալիստիկ հրթիռներ փոխանցել Ռուսաստանին
Քաղաքականություն
03.09.2024 | 14:53
Եվրոպացի պաշտոնյաները կանխատեսում են, որ Իրանը մոտ ապագայում բալիստիկ հրթիռներ կմատակարարի Ռուսաստանին։ Այս մասին գրում է Bloomberg-ը՝ վկայակոչելով իրազեկ աղբյուրները։
Գործակալության զրուցակիցները չեն նշել հրթիռների տեսակները, ինչպես նաև դրանց մատակարարման ճշգրիտ ժամկետներն ու ծավալները։ Այնուամենայնիվ, մի պաշտոնյա ասել է, որ առաքումները կարող են սկսվել օրերի ընթացքում:
Միացյալ Նահանգների պաշտոնյաները չեն մեկնաբանել Bloomberg-ի տեղեկատվությունը։ Գործակալությունը նաև պատասխան չի ստացել Իրանի ԱԳՆ-ին և ՄԱԿ-ում երկրի առաքելությանն ուղղված հարցումին:
Ուկրաինայում լայնամասշտաբ պատերազմի բռնկումից հետո Իրանը սկսել է Ռուսաստանին մատակարարել «Շահեդ» տեսակի կամիկաձե անօդաչու թռչող սարքեր, ինչպես նաև հրետանի և տանկային արկեր: Բացի այդ, Թեհրանը թույլատրել է հարվածային անօդաչու թռչող սարքերի արտադրությունը տեղակայել Ռուսաստանի տարածքում։
Այս տարվա սկզբին, ըստ արևմտյան հետախուզության, Իրանը ՌԴ-ի հետ պայմանավորվել է բալիստիկ հրթիռների մատակարարման շուրջ։ Սրան ի պատասխան՝ ՆԱՏՕ-ի անդամ երկրներն իրանական կողմին սպառնացել են պատժամիջոցների ընդլայնմամբ։
