25.11.2024 | 22:48
Թուրքիայում երկրաշարժ է տեղի ունեցել
Պապիկյանը Վրաստանի պաշտպանության նախարարի հետ առանձնազրույց է ունեցել
Քաղաքականություն
02.09.2024 | 13:08
Վրաստանի պաշտպանության նախարարությունում դիմավորման հանդիսավոր արարողությունից հետո մեկնարկել է Վրաստանի պաշտպանության նախարարի հետ առանձնազրույցը, որը շարունակվել է պատվիրակությունների ընդլայնված կազմով։ Այս մասին տեղեկացնում է ՀՀ ՊՆ-ն։
Հանդիպման ընթացքում կարևորել ենք ռազմական կրթության բնագավառում փորձի փոխանակման ուղղությամբ համագործակցության ակտիվացումն ու ընդլայնումը, ինչպես նաև երկուստեք ընդգծել ենք տարածաշրջանում երկարաժամկետ և կայուն խաղաղություն հաստատելու կարևորությունը:
Պայմանավորվածություն ենք ձեռք բերել տարբեր խմբերի փոխայցելությունների միջոցով ուսումնասիրել նաև երկկողմ պաշտպանական համագործակցության հետագա ընդլայնման ու նոր ոլորտների ընդգրկման հնարավորությունները:
Քննարկել ենք նաև պաշտպանության բնագավառում Հայաստան-Վրաստան համագործակցությանն ու տարածաշրջանային անվտանգությանն առնչվող մի շարք այլ հարցեր:
