11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Սարատովի մարզում ԱԹՍ-ների բեկորներից բնակելի շենքեր են վնասվել
Քաղաքականություն
26.08.2024 | 11:20
Օգոստոսի 26-ի առավոտյան Սարատովում և Էնգելսում ԱԹՍ-ների հարձակում է տեղի ունեցել, վնասվել է երկու բնակելի բազմահարկ շենք, ասել է շրջանի նահանգապետ Ռոման Բուսարգինը, փոխանցում է Current Time-ը։
«Վաղ առավոտյան հակաօդային պաշտպանության համակարգերը ոչնչացրել են անօդաչու թռչող սարքեր։ Սարատովում և Էնգելսում գրանցվել են բնակելի շենքերի վրա բեկորների անկման դեպքեր», – գրել է Սարատովի շրջանի ղեկավարը։
Սարատովում վնասվել է Սլավյանսկայա հրապարակում գտնվող «Վոլգա Սքայ» բնակելի համալիրի 38 հարկանի շենքը։
«Մի կին ծանր վիճակում հոսպիտալացվել է։ Բժիշկները պայքարում են նրա կյանքի համար։ Մնացածներին տեղում բուժօգնություն է ցուցաբերվել։ Արտակարգ և օպերատիվ ծառայությունները շարունակում են աշխատել ուժեղացված ռեժիմով»,- գրել է Բուսարգինը։
Ինչպես հայտնում է ՌԻԱ Նովոստին՝ տարածաշրջանային առողջապահության նախարարությանը հղումով, Սարատովում անօդաչու թռչող սարքի հարձակման հետևանքով չորս մարդ է տուժել, զոհեր չկան։
Ըստ «Օստորոժնո նովոստի» տելեգրամ ալիքի՝ Էնգելսում տեղի ունեցած հարձակման հետևանքով վնասվել են բնակելի շենքի տանիք և ավտոմեքենաներ։
