07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ցինիզմ է ՀՀ-ին մեղադրել սաբոտաժի համար․ ՌԴ-ն չմեղադրեց Բաքվին, երբ բռնազավթեց Արցախը․ Էդգար Առաքելյան․ ՏԵՍԱՆՅՈՒԹ
Քաղաքականություն
21.08.2024 | 20:00
Այն փաստաթղթին, որին հղում է անում ՌԴ ԱԳ նախարար Սերգեյ Լավրովը, փաստացի գոյություն չունի։ Factor TV-ի հետ զրույցում նման պնդում է անում քաղաքագետ Էդգար Առաքելյանը՝ անդրադառնալով Լավրովի այն հայտարարությանը, թե Երևանը, իբր, սաբոտաժի է ենթարկում Սյունիքի մարզով հաղորդակցությունների ապաշրջափակման համաձայնությունը, որի տակ Փաշինյանի ստորագրութունն է։
Քաղաքագետը նկատում է՝ Բաքուն չի կատարում եռակողմ համաձայնությամբ ստանձնած պարտավորությունները, իսկ ռուսական կողմը Հայաստանին է մեղադրում «սաբոտաժի» համար։
«Ցինիկ և ոչ պատասխանատու հայտարարություն է արել Լավրովը։ Ռուսաստանը մեղադրում է Հայաստանին, թե ճանաչել է Ադրբեջանի տարածքային ամբողջականությունը, ներառյալ՝ ԼՂ-ն, և այնպիսի տպավորություն է, թե ՌԴ-ն ինքը չի ճանաչել։ Հայաստանի կողմից այդ հայտարարությունը հնչել է այն բանից հետո, երբ ՌԴ խաղաղապահների պաշտպանության ներքո Արցախը շրջափակվեց, ապա՝ բռնազավթվեց ու հայաթափվեց։ Եվ այդ ամենից հետո Ռուսաստանը որևէ մեղադրանք չհնչեցրեց Ադրբեջանի հասցեին, փոխարենը մեղադրում է ՀՀ-ին. սա սեփական մեղքը ուրիշների վրա բարդելու գործողություն է»,- ընդգծում է Առաքելյանը։
Պաշտոնական Երևանը երեկ արձագանքեց ՌԴ արտգործնախարար Սերգեյ Լավրովի մեղադրանքներին՝ կասկածի տակ դնելով Հայաստանի և Ադրբեջանի միջև հարաբերությունների կարգավորման գործընթացում Ռուսաստանի կառուցողական ներգրավվածությունը: Հայաստանի արտաքին քաղաքական գերատեսչությունը նաև կոչ է արել կողմնակալ հայտարարություններով սաբոտաժի չենթարկել ո՛չ «Խաղաղության խաչմերուկ» նախագիծը, ո՛չ էլ Հարավային Կովկասում խաղաղության հասնելու ջանքերը:
Էդգար Առաքելյանի կարծիքով՝ ՀՀ ԱԳՆ-ն լիովին չի անդրադարձել Լավրովի հայտարարություններին։
Հարցազրույցն ամբողջությամբ՝ տեսանյութում։
Արփի Հակոբյան
