23.06.2026 | 18:14
Ասացի` զբաղվիր քո գործերով. Ավետիսյանը` իր և Անի Խաչատրյանի միջադեպի մասին․ ՏԵՍԱՆՅՈՒԹ
Կուրսկի շրջանում Ուկրաինայի ԶՈՒ հարձակման հետևանքով 31 մարդ է զոհվել
Քաղաքականություն
21.08.2024 | 16:12
Կուրսկի շրջանում Ուկրաինայի զինված ուժերի հարձակման հետևանքով 31 մարդ է զոհվել։ Այս մասին հայտնում է ռուսական ՏԱՍՍ պետական գործակալությունը՝ հղում անելով բժշկական ծառայություններում աղբյուրին։
«Օգոստոսի 21-ի առավոտվա դրությամբ՝ հաստատվել է 31 մարդու մահը Կուրսկի շրջանի վրա Ուկրաինայի զինված ուժերի հարձակման հետևանքով։ 143 մարդ ստացել է տարբեր աստիճանի վնասվածքներ։ Նրանցից 79-ը հոսպիտալացվել է, այդ թվում՝ 4 երեխա»,- ասել է գործակալության զրուցակիցը։
Նախօրեին էլ ՏԱՍՍ-ը, վկայակոչելով նույն աղբյուրին, գրել էր 17 զոհի և 140 վիրավորի մասին։ Իսկ մինչ այդ՝ օգոստոսի 12-ին, Կուրսկի նահանգապետի պաշտոնակատար Ալեքսեյ Սմիրնովը ՌԴ նախագահ Վլադիմիր Պուտինի մասնակցությամբ սահմանամերձ շրջաններում տիրող իրավիճակին նվիրված խորհրդակցության ժամանակ հայտնել էր 12 զոհի և 121 վիրավորի մասին, այդ թվում՝ 10 երեխա։
