09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Ռուսական բանակը հարվածել է Կիևին. Ուկրաինայի ԶՈՒ-ն հայտնել է երեք հրթիռ և 25 անօդաչու խոցելու մասին
Քաղաքականություն
20.08.2024 | 11:45
Ռուսական բանակը հարձակվել է Կիևի վրա, գիշերը՝ անօդաչու թռչող սարքերով, իսկ օգոստոսի 20-ի առավոտյան՝ հրթիռներով։ Ուկրաինայի ԶՈՒ-ն հայտարարել է, որ երեք հրթիռ և 25 «Շահեդ» է խոցել, գրում է Current Time-ը։
Նախնական տվյալներով՝ ռուս զինվորականները Կիևին հարվածել են հյուսիսից, ենթադրաբար, «Իսկանդեր-Կ» թևավոր հրթիռներով, հայտնում է Կիևի քաղաքային ռազմական վարչությունը։ Ուկրաինայի մայրաքաղաքի իշխանությունների տվյալներով՝ հարձակման հետևանքով քաղաքում զոհեր և ավերածություններ չկան։
«Գիշերն օկուպանտները հարձակվել են մայրաքաղաքի վրա հարվածային անօդաչու թռչող սարքերով (անօդաչուները ոչնչացվել են հակաօդային պաշտպանության միջոցով)։ Իսկ այսօր առավոտյան հայտարարվել է օդային տագնապ՝ թևավոր հրթիռների կիրառման սպառնալիքի պատճառով։ Ի դեպ, սա արդեն օգոստոսի սկզբից Կիևում հայտարարված 41-րդ օդային տագնապն է: Սա այս ամսվա հինգերորդ հրթիռային հարձակումն էր Կիևի վրա»,- ասված է Կիևի քաղաքային ռազմական վարչակազմի տարածած հայտարարության մեջ:
Ուկրաինայի ԶՈՒ ռազմաօդային ուժերի հրամանատարությունը մանրամասնել է, որ ՌԴ ԶՈւ-ն Ուկրաինայի ուղղությամբ արձակել է երկու բալիստիկ հրթիռ, մեկ թևավոր հրթիռ, ավիառումբ է նետել և 26 անօդաչու թռչող սարք արձակել։ 28 օդային թիրախ (25 անօդաչու թռչող սարք և երեք հրթիռ) խոցվել է, պնդում են ուկրաինացի զինվորականները։
