01.05.2026 | 09:36
Աշխատում է քաղաքացին՝ զարգանում է տնտեսությունը՝ ապահովելով պետության առաջընթացը․ Ալեն Սիմոնյան
Թբիլիսիի դատարանը մերժել է ադրբեջանցի լրագրողի կալանքը չեղարկելու միջնորդությունը
Քաղաքականություն
16.08.2024 | 22:29
Թբիլիսիի դատարանը չի դիտարկել ադրբեջանցի ընդդիմադիր լրագրող Աֆղան Սադիգովի կալանքը չեղարկելու միջնորդությունը, որին Վրաստանը պատրաստվում է արտահանձնել Ադրբեջանին, հայտնում է apsny.ge-ն։
Հաղորդվում է, որ Թբիլիսիի դատարանի վերաքննիչ գործերով կոլեգիայի դատավոր Գեորգի Միրոտաձեն անընդունելի է համարել «Իրավունք-Վրաստանի» բողոքը։
«Դատավորն անփոփոխ է թողել օգոստոսի 4-ի Թբիլիսիի քաղաքային դատարանի որոշումը, որի համաձայն՝ ադրբեջանցի լրագրող Աֆղան Սադիգովը դատապարտվել է 3-ամսյա արտահանձնման բանտարկության՝ որպես կանխարգելիչ միջոց»,-ասվում է հասարակական կազմակերպության հայտարարության մեջ։
Հիշեցնենք, որ օգոստոսի 4-ին ադրբեջանցի ընդդիմադիր լրագրող Աֆղան Սադիգովի նկատմամբ Թբիլիսիի քաղաքային դատարանն արտահանձնման կալանք էր սահմանել։
Սադիգովը՝ Azel.Tv-ի գլխավոր խմբագիրն է, որն ապրում է Վրաստանում 2023 թվականի դեկտեմբերի 24-ից։ Հուլիսի կեսերին Սադիգովին չեն թույլատրել Թբիլիսիից մեկնել Անկարա։ Այն ժամանակ լրագրողին պարզաբանել են, որ նա կարող է թռչել միայն Ադրբեջան։ Սադիգովը հայտնել է, որ այնտեղ իրեն ձերբակալություն է սպառնում։
