11.08.2026 | 13:40
TRIPP-ի շրջանակներում ՀՀ տարածքով գազամուղ է անցնելու, հնարավորություն է ևս մեկ աղբյուրի․ Խանդանյան․ ՏԵՍԱՆՅՈՒԹ
Ռուսական նավատորմը Եվրոպային միջուկային հարվածներ հասցնելու սցենար է մշակել՝ ՆԱՏՕ-ի հետ հակամարտության դեպքում
Քաղաքականություն
13.08.2024 | 22:37
Զորավարժությունների ընթացքում Ռուսաստանի ռազմածովային ուժերը պայմանական միջուկային հարվածներ են հասցրել եվրոպական երկրներին ՆԱՏՕ-ի հետ հնարավոր հակամարտության դեպքում: Այս մասին են վկայում 2008-ից 2014 թվականներին պատրաստված գաղտնի փաստաթղթերը, որոնք ուսումնասիրել են Financial Times-ի լրագրողները։
Պարբերականի տրամադրության տակ հայտնված փաստաթղթերում, որոնք պատրաստվել են ռուս սպաների համար, կա հրթիռների թիրախների ցանկը, որոնք կարող են կրել ինչպես սովորական, այնպես էլ միջուկային մարտագլխիկներ։
Ընդհանուր առմամբ, ցուցադրության համար ստեղծված քարտեզներում նշված է ռուսական նավատորմի համար 32 թիրախ Եվրոպայում։
Այսպես, ռուսական Բալթյան նավատորմը պետք է գրոհի թիրախները Նորվեգիայում և Գերմանիայում։ Դրանք ներառում են ռազմածովային բազան Բերգենում, ինչպես նաև ռադիոտեղորոշիչ կայաններ և հատուկ նշանակության ուժերի օբյեկտներ: Հյուսիսային նավատորմը, իր հերթին, կարող է հարվածել պաշտպանական արդյունաբերության օբյեկտներին, ներառյալ՝ բրիտանական Barrow-in-Furness-ի նավաշինարանը, որտեղ կառուցվում են ռազմանավեր և սուզանավեր:
Փաստաթղթերում ՆԱՏՕ-ի հետ հակամարտության դեպքում հիմնական առաջնահերթությունը թշնամու ռազմական և տնտեսական ներուժի թուլացումն է։ Դրանցում նաև նշվում է «ցուցադրական հարվածի» տարբերակը՝ հեռավոր տարածքում միջուկային զենքի պայթեցումը՝ «արևմտյան երկրներին վախեցնելու համար»։
