09.09.2026 | 15:08
ՔԿ-ն կադրեր է հրապարակել Գագիկ Խաչատրյանին պատկանող առանձնատան խուզարկությունից․ ՏԵՍԱՆՅՈւԹ
Իրանի փոխնախագահ Զարիֆը 10 օր պաշտոնավարելուց հետո հրաժարական է տվել
Քաղաքականություն
12.08.2024 | 12:31
Իրանի ռազմավարական հարցերով փոխնախագահ Մոհամմադ Ջավադ Զարիֆը, որը 2013-2021 թվականներին զբաղեցրել է Իսլամական Հանրապետության արտաքին գործերի նախարարի պաշտոնը և հանդես է եկել ԱՄՆ-ի հետ բանակցությունների օգտին, հրաժարական է տվել՝ ընդամենը 10 օր պաշտոնավարելուց հետո:
«Ես բավարարված չեմ աշխատանքիս արդյունքից։ Այլ խնդիրների հետ մեկտեղ՝ սա ինձ ստիպեց շարունակել իմ ուղին համալսարանում»,- գրել է նա X-ում:
Խոսքը խորհրդատվական խորհրդի մասին է, որը Զարիֆը գլխավորել է հուլիսի 5-ին Իրանի նախագահական ընտրություններում Մասուդ Փեզեշքիանի հաղթանակից անմիջապես հետո։ Զարիֆը պատասխանատու էր նոր կաբինետի թեկնածուների ընտրության համար, որը խորհրդարանի հաստատմանը ներկայացվել էր օգոստոսի 11-ին:
Անանունության պայմանով Թեհրանում բարձրաստիճան տեղեկացված աղբյուրները Amwaj.media-ին հայտնել են, որ հրաժարականը պայմանավորված է անցումային թիմի առաջարկությունները հիմնականում անտեսելու՝ Փեզեշքիանի որոշումից խորը հիասթափությամբ: Բացի այդ, կուլիսներում խառնաշփոթ է առաջացել Զարիֆին պաշտոնանկ անելու ակնհայտ կոշտ փորձի պատճառով՝ Արևմուտքի հետ կապեր ունեցող պաշտոնյաներին արգելող օրենքի միջոցով:
Զարիֆը՝ իսլամական հանրապետության ռեֆորմիստների թևի ներկայացուցիչը, համարվում է ԱՄՆ-ի հետ երկխոսության գլխավոր կողմնակիցներից մեկը, ինչի համար նրան քննադատում են իրանցի պահպանողականները։ Դիվանագետն ակտիվ մասնակցություն է ունեցել 2015 թվականին Թեհրանի միջուկային ծրագրի շուրջ համաձայնագրի մշակմանն ու կնքմանը։
Ընտրություններում Փեզեշքիանի հաղթանակից հետո Զարիֆը հայտարարել էր, որ նոր նախագահը պատրաստակամ է վերականգնել Գործողությունների համատեղ համապարփակ ծրագիրը։
