07.10.2026 | 15:18
Ահազանգ. «Գուստավ» ռեստորանի մենեջերը թաքնված տեսախցի՞կ է տեղադրել աղջիկների զուգարանում
Իրանի նախագահը ներկայացրել է ԱԳՆ և ՊՆ նոր ղեկավարների թեկնածուներին
Քաղաքականություն
11.08.2024 | 13:56
Իրանի նախագահ Մասուդ Փեզեշքիանն առաջարկել է Աբբաս Արաղչիի և Ազիզ Նասիրզադեի թեկնածությունները արտգործնախարարի և պաշտպանության նախարարի պաշտոններում։ Այս մասին հայտնում են Փեզեշքիանի մամուլի ծառայություից․ փոխանցում է ՏԱՍՍ-ը։
2017-ից 2021 թվականներին Արաղչին աշխատել է որպես արտաքին գործերի փոխնախարար բարեփոխիչ նախագահ Հասան Ռոհանիի երկրորդ կառավարությունում։ Արաղչին երկար ժամանակ գլխավորում էր իրանական պատվիրակությունը միջուկային գործարքի շուրջ բանակցություններում։ Իրանա-իրաքյան պատերազմի ժամանակ (1980-1988) ծառայել է Իսլամական հեղափոխության պահապանների կորպուսում։ Ներկայումս նա Իրանի միջազգային հարաբերությունների ռազմավարական խորհրդի քարտուղարն է։
Իսկ գեներալ-մայոր Ազիզ Նասիրզադեն ներկայումս զբաղեցնում է Իրանի զինված ուժերի գլխավոր շտաբի պետի առաջին տեղակալի պաշտոնը։
Բոլոր թեկնածուները պետք է ստանան խորհրդարանի հավանությունը
