16.11.2024 | 13:49
Վանաձորում ձին ընկել է դիտահորը
Կառավարության խնդիրը պետք է լինի անել այնպես, որ 10000 դրամը չդառնա ամենալավ թեկնածուն․ Արամ Սարգսյան․ ՏԵՍԱՆՅՈՒԹ
Քաղաքականություն
06.09.2018 | 14:25
Ազգային ժողովի «Ելք» խմբակցության պատգամավոր Արամ Սարգսյանը համամիտ է հանրապետական գործընկերների հետ, որ ընտրակաշառքը և ընտրակեղծարարությունը քրեականացնող օրենքի նախագծերն ունեն որոշ ձևակերպումների ճշգրտման խնդիր։
«Ընդունում եմ մինչ այս հանդես եկած իմ իրավաբան գործընկերների դիտարկումները, դիտողություններ են անում, որոնց միանշանակ անդրադառնալ է պետք, իսկ ինչ վերաբերում է օրենքով սահմանված խստացումներին, ապա, կարծում եմ, որ օրենքը պետք է բացառի վհուկների որսը»,- ԱԺ-ում իր ելույթի ժամանակ ասաց պատգամավորը։
Խոսելով ընտրակաշառքի կանխման մասին՝ Արամ Սարգսյանը նկատեց, որ աղքատությունն է մեղավոր, որ մարդը կաշառք է վերցնում, հետևաբար, Կառավարության համար թիվ մեկ խնդիրը պետք է լինի կենսամակարդակը բարձրացնել, որ 10 հազար դրամը չդառնա ամենալավ թեկնածուն։
«Շատ կարևոր է հիշել նաև, որն այն մարդիկ են կաշառք տալիս, ովքեր հետագայում պետական պաշտոններ են զբաղեցնում, որի ընթացքում ետ են վերադարձնում տված ընտրակաշառքը։ Մեր երկրում շատ են դեպքերը, որ պետական պաշտոնյաները շատ մեծ կարողություններ են դիզել, իսկ աշխատավարձով ապրող մարդը ընտրակաշառք չի տա»,- ասաց «Ելք» խմբակցության պատգամավորը։
Մանրամասները՝ տեսանյութում։
