11.08.2026 | 11:42
Էմին Օհանյանը՝ շախմատի Եվրոպայի Մ-20 առաջնության միանձնյա առաջատար
Ադրբեջանում պատգամավորի 1030 թեկնածու է գրանցվել
Քաղաքականություն
08.08.2024 | 18:51
Ադրբեջանում արտահերթ խորհրդարանական ընտրություններին մասնակցելու համար ներկայում գրանցվել է պատգամավորի 1030 թեկնածու։ Ադրբեջանական լրատվամիջոցների հաղորդմամբ՝ այս մասին ասել է երկրի Կենտրոնական ընտրական հանձնաժողովի նախագահ Մազահիր Փանահովը։
Նա նշել է, որ արտահերթ խորհրդարանական ընտրություններին պատգամավորի թեկնածու է առաջադրվել 1508 մարդ։ Հաստատվել է 1462 հոգի, որոնցից 1420-ին տրվել է ստորագրության թերթիկ։ Ստորագրված թերթիկներն այս պահին ներկայացրել է 1197 մարդ։
Օգոստոսի 2-ին լրացել է արտահերթ խորհրդարանական ընտրությունների կապակցությամբ պատգամավորության թեկնածուների գրանցման համար անհրաժեշտ ընտրական փաստաթղթերն ընտրատարածքային ընտրական հանձնաժողովներին ներկայացնելու ժամկետը։
Հունիսի 28-ին Ադրբեջանի նախագահ Իլհամ Ալիևը հրամանագիր էր ստորագրել երկրի վեցերորդ գումարման խորհրդարանը ցրելու և արտահերթ ընտրություններ նշանակելու մասին։ Ընտրությունները կանցկացվեն 2024 թվականի սեպտեմբերի 1-ին։ Երկրի Սահմանադրական դատարանի պլենումն ավելի վաղ քննարկել էր Ալիևի դիմումը Միլլի Մեջլիսը ցրելու և արտահերթ ընտրություններ նշանակելու վերաբերյալ՝ որոշելով, որ այն համապատասխանում է Սահմանադրությանը։
