09.09.2026 | 15:08
ՔԿ-ն կադրեր է հրապարակել Գագիկ Խաչատրյանին պատկանող առանձնատան խուզարկությունից․ ՏԵՍԱՆՅՈւԹ
Թուրքիայի ԱԳՆ-ն արձագանքել է Իսրայելի ԱԳ նախարարի՝ Էրդողանին բռնապետ որակող հայտարարությանը
Քաղաքականություն
07.08.2024 | 19:29
Թուրքիայի ԱԳՆ-ն արձագանքել է երկրի նախագահ Ռեջեփ Թայիփ Էրդողանի վերաբերյալ Իսրայելի արտաքին գործերի նախարարի հայտարարություններին։
«Իսրայելի արտաքին գործերի նախարարը սովորություն է դարձրել Թուրքիային և մեր նախագահին ուղղված զրպարտություններով և ստերով լի տարօրինակ հայտարարություններ անել: Որոշ ժամանակ է՝ խնդրո առարկա անձին չի կարելի լուրջ վերաբերվել։ Թուրքիան կշարունակի հնարավորինս ուժեղ կերպով աջակցել պաղեստինցիներին»,- ասվում է Թուրքիայի ԱԳՆ-ի հայտարարության մեջ։
Նշենք, որ Իսրայելի ԱԳ նախարար Իսրայել Կացը X-ի իր միկրոբլոգում գրել էր, որ «հակասեմական բռնապետ Ռեջեփ Թայիփ Էրդողանն ԱՄՆ-ի ու Արևմուտքի վրա է հարձակվել՝ նշելով, որ նրանք գրավված են «Իսրայելի սիոնիստների կողմից»։
«Էրդողա՛ն, եթե ինչ-որ մեկը գերի է ընկել, դա ձեր բռնապետության տակ գտնվող Թուրքիայի Հանրապետության քաղաքացիներն են։ Դուք սահմանափակում եք 57 միլիոն թուրք օգտատերերի մուտքն Instagram, բայց մուտք եք գործում ձեր անձնական Instagram-ի հաշիվ: Իմ դեմ հարձակումները չեն խանգարի ինձ բացահայտել ճշմարտությունը թե՛ Թուրքիայի քաղաքացիներին, թե՛ աշխարհին։ Այն առաջնորդը, որն աջակցում է ՀԱՄԱՍ-ին և բռնակալի նման ճնշում իր ժողովրդին, բռնապետ է»,- ասվում է գրառման մեջ։
Հավելենք, որ Թուրքիան օգոստոսի 2-ից արգելափակել է Instagram-ը երկրի տարածքում:
Էմմա Չոբանյան
