15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Չի կարելի ջրից ելնել, կրակն ընկնել․ Գևորգ Պետրոսյանը՝ ընտրակաշառքը քրեականացնող օրենսդրական փոփոխությունների մասին
Քաղաքականություն
06.09.2018 | 12:30
Ազգային ժողովի արտահերթ նիստում այսօր քննարկվում են Կառավարության ներկայացրած քրեական դատավարության, Վարչական իրավախախտումների և Վարչական դատավարության օրենսգրքերում փոփոխություններ և լրացումներ կատարելու մասին օրենքի նախագծերը։
ԱԺ պետաիրավական հարցերի մշտական հանձնաժողովի նախագահ Գևորգ Կոստանյանն առաջարկվող փոփոխությունների վերաբերյալ նշեց, որ իրավական առումով առաջարկող փոփոխություններ ընդունելը վտանգավոր են, սակայն ՀՀԿ-ն արտահերթ նիստը չտապալելու համար է, որ հանձնաժողովի նիստում կողմ է քվեարկել դրանց։
Կառավարության ներկայացրած փոփոխությունների դեմ արտահայտվեց նաև ԱԺ «Ծառուկյան» խմբակցության պատգամավոր Գևորգ Կոստանյանը և նշեց, որ թեև կա նպատակ ընտրությունները զերծ պահել ընտրակեղծարարությունից, սակայն այն իրավակարգավորումները, որոնք ներկայացնում է Կառավարությունը, վտանգում են քաղաքացու շահերը։
«Չկա մեկն, ով դեմ չէ ընտրակեղծարարություններին ու ընտրակաշառքին, բայց չի կարելի ջրից ելնել, կրակն ընկնել: Կա նպատակ՝ ընտրությունները զերծ պահել նման միջամտություններից, բայց չի կարելի այդ զերծ պահելը անել շահեր ոտնահարելու հաշվին», – ասաց Գևորգ Պետրոսյանը:
Վերջինս նաև նշեց, որ վտանգավոր է մարդուն տանել 3 տարի ազատազրկել, ինչ է թե նա խոստացել է մեկին կողմ քվեարկել:
«Սա հակասում է քրեական իրավունքի գիտությանը: Քրեական իրավունքի գիտությունը թույլ չի տալիս մարդկանց իրենց մտքերի ու մտադրությունների համար ենթարկել պատասխանատվության»,- ասաց նա։
