24.06.2026 | 16:37
Պարեկներին կաշառք առաջարկած 65-ամյա տղամարդը ձերբակալվել է
Վերին Լարսի անցակետը բաց է մարդատար մեքենաների համար, բայց 4-5 կիլոմետրանոց հերթ է գոյացել
06.08.2024 | 12:18
Վերին Լարսի անցակետում թեթև մարդատար և ուղևորատար տրանսպորտային միջոցների համար աշխատանքը վերականգնվել է, այս մասին Factor.am-ին հայտնեց ՌԴ-ում ՀՀ դեսպանատան մաքսային կցորդ Վահան Հակոբյանը։ Նա ասաց, որ քիչ անց կվերականգնվի նաև բեռնատար տրանսպորտային միջոցների սպասարկումը։
«Մոտ 1 ժամ առաջ վրացական կողմում վերազինման աշխատանքներն ավարտվել են և անցակետի աշխատանքը վերականգնվել է միայն թեթև մարդատար և ուղևորատար տրանսպորտային միջոցների համար: Այս պահին անցակետը միայն մարդատար տրանսպորտային միջոցների համար է բաց, քանի որ մեծ կուտակումներ կան»,- փոխանցեց նա։
ՌԴ-ում ՀՀ դեսպանատան մաքսային կցորդը նաև նշեց, որ Վերին Լարսում 4-5 կիլոմետրանոց հերթ է։
Հիշեցնենք, որ գիշերը 01:00-ից մինչ առավոտյան 10:00-ն Վերին Լարսի անցակետը վերազինման աշխատանքներով պայմանավորված փակ է եղել բոլոր տեսակի տրանսպորտային միջոցների համար։
