09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ադրբեջանում պատգամավորի 950 թեկնածու է գրանցվել
Քաղաքականություն
05.08.2024 | 20:00
Ադրբեջանում սեպտեմբերի 1-ին նախանշված արտահերթ խորհրդարանական ընտրություններում գրանցվել է պատգամավորի 950 թեկնածու։ Ադրբեջանական լրատվամիջոցների հաղորդմամբ՝ այս մասին հայտարարել է Կենտրոնական ընտրական հանձնաժողովի (ԿԸՀ) նախագահ Մազահիր Փանահովը։
Նա նշել է, որ, ընդհանուր առմամբ, հայտ է ներկայացրել 1508 թեկնածու։ Փանահովը նաև հայտարարել է, որ Արցախի շրջաններում գործող 44 ընտրատարածքների թիվը հասցվելու է 55-ի։
Հունիսի 28-ին Ադրբեջանի նախագահ Իլհամ Ալիևը հրամանագիր էր ստորագրել երկրի վեցերորդ գումարման խորհրդարանը ցրելու և արտահերթ ընտրություններ նշանակելու մասին։ Ընտրությունները կանցկացվեն 2024 թվականի սեպտեմբերի 1-ին։ Երկրի Սահմանադրական դատարանի պլենումն ավելի վաղ քննարկել էր Ալիևի դիմումը Միլլի Մեջլիսը ցրելու և արտահերթ ընտրություններ նշանակելու վերաբերյալ՝ որոշելով, որ այն համապատասխանում է Սահմանադրությանը։
