08.07.2026 | 16:59
«Ուժեղ Հայաստան» դաշինքի 106 թեկնածու ինքնաբացարկ է հայտնել․ ԿԸՀ-ն ուժը կորցրած է ճանաչել նրանց գրանցումը
Կրեմլը չի մեկնաբանել բանտարկյալների հնարավոր փոխանակումը
Քաղաքականություն
01.08.2024 | 15:17
ՌԴ նախագահի մամուլի քարտուղար Դմիտրի Պեսկովը լրագրողներին հայտնել է, որ Կրեմլը մեկնաբանություններ չունի Ռուսաստանի և այլ երկրների միջև բանտարկյալների հնարավոր փոխանակման մասին, գրում է ՌԻԱ Նովոստին։
Նա այսպես է պատասխանել Ռուսաստանի, ԱՄՆ-ի, Գերմանիայի և Բելառուսի միջև սպասվող գերիների մեծ փոխանակման և Wall Street Journal-ի լրագրող Էվան Գերշկովիչի ենթադրյալ փոխանակման հնարավորության մասին հարցին։
«Ոչ, ես դեռ մեկնաբանություններ չունեմ այս թեմայի վերաբերյալ», – ասել է Պեսկովը:
Հիշեցնենք՝ ռուսական ԶԼՄ-ները հայտնում են, որ օգոստոսի 1-ի առավոտյան Մոսկվայից Կալինինգրադ է մեկնել «Ռոսիա» թռիչքային ջոկատի Ան-148 ինքնաթիռը, որը նախկինում օգտագործվում էր Արևմուտքի հետ բանտարկյալների փոխանակման համար։
