17.12.2025 | 18:00
Օվերչուկը Երևանում է // Վարդան Ղուկասյանի կալանքի ժամկետը կարող է երկարաձգվել. ԼՈՒՐԵՐ
Վարժական հավաքներ՝ սեպտեմբերի 15-ից դեկտեմբերի 15-ը
Հասարակություն
01.08.2024 | 10:33
Սեպտեմբերի 15-ից դեկտեմբերի 15-ը ՀՀ-ում կանցկացվեն պահեստազորայինների վարժական հավաքներ․ որոշումը չզեկուցվող հարցով ներառված է կառավարության այսօրվա նիստի օրակարգում։
Ըստ այդմ՝ կհայտարարվի պահեստազորի առաջին խմբի առաջին և երկրորդ կարգերում հաշվառված շարքային, ենթասպայական և սպայական կազմերի պահեստազորայինների վարժական հավաքներ` երեք ամիս ժամկետով` թվականի սեպտեմբերի 15-ից մինչև դեկտեմբերի 15-ը:
Կառավարության հիմնավորման համաձայն՝ որոշման նախագծի ընդունումը պայմանավորված է պահեստազորի առաջին խմբում հաշվառված շարքային, ենթասպայական և սպայական կազմերի պահեստազորայինների ռազմական հմտությունների կատարելագործման, վերապատրաստման և պատրաստման վարժական հավաքների անցկացման անհրաժեշտությամբ։
Նախագծի ընդունման կապակցությամբ ՀՀ պետական բյուջեում լրացուցիչ ծախսեր չեն առաջանում: Հայտարարվող վարժական հավաքների ծախսերն իրականացվելու են թվականի պետական բյուջեով ՀՀ պաշտպանության նախարարությանն այդ նպատակով հատկացված միջոցների հաշվին:
