09.09.2026 | 14:41
Իսրայելը կփակի Մեծ Բրիտանիայի հյուպատոսությունը Երուսաղեմում՝ ի պատասխան Լոնդոնի պատժամիջոցների
Պետդուման մերժել է բազմազավակ հայրերին զորահավաքից տարկետում տրամադրել
Քաղաքականություն
31.07.2024 | 18:18
ՌԴ Պետդուման մերժել է բազմազավակ և հաշմանդամ երեխաների հայրերին զորահավաքից տարկետում տրամադրելու մասին օրինագիծը։ Որոշումն ընդունվել է հուլիսի 30-ին խորհրդարանի ստորին պալատի նիստում, գրում է Baza Telegram ալիքը։
Որոշումը դեռևս պաշտոնապես չի հրապարակվել։
Փաստաթղթին դեմ են քվեարկել «Եդինայա Ռոսիա»-ի պատգամավորները, իսկ Ռուսաստանի Դաշնության Կոմունիստական կուսակցության և «Արդար Ռուսաստան»-ի անդամները սատարել են այն: Միևնույն ժամանակ, տարկետման հակառակորդները նշել են, որ դա «կհանգեցնի կադրերի ռեզերվի նվազմանը»։
Պաշտպանության հանձնաժողովի ղեկավարի տեղակալ Անդրեյ Կրասովը, խոսելով բազմազավակ հայրերին զորահավաքից տարկետման դեմ, վկայակոչել է ՌԴ Սահմանադրության 59-րդ հոդվածը, որտեղ ասվում է, որ «Հայրենիքի պաշտպանությունը Ռուսաստանի քաղաքացու պարտքն ու պարտականությունն է։
Դեռևս մայիսին Պետդումայի պաշտպանության հարցերի հանձնաժողովն առաջարկել էր մերժել երեք երեխաների հայրերին մոբիլիզացիայից տարկետման մասին օրինագիծը։
