09.09.2026 | 19:47
Սեպտեմբերի 10-ից մինչև նոյեմբերի 1-ը փակ կլինի Կոմիտասի պողոտա-Դավիթ Անհաղթի փողոց ուղեանցի վերին հատվածը
ԱՄՆ-ը ներգրավված չէ ՀԱՄԱՍ-ի առաջնորդի սպանության գործում․ Բլինքեն
Քաղաքականություն
31.07.2024 | 17:08
ԱՄՆ-ը ներգրավված չէ Թեհրանում ՀԱՄԱՍ-ի առաջնորդ Իսմայիլ Հանիեի սպանության գործում։ Այս մասին ասել է ԱՄՆ պետքարտուղար Էնթոնի Բլինքենը, հաղորդել է Channel News Asia-ն։
«Դա մի բան է, որի մասին մենք չգիտեինք, և որին չենք մասնակցել: Շատ դժվար է, երբ այն շահարկում են»,- ասել է Բլինքենը:
Նա նշել է Մերձավոր Արևելքում իննամսյա պատերազմին վերջ տալու համար հրադադարի կարևորությունը: Հենց Հանիեն էր Գազայի հատվածում հրադադարի շուրջ բանակցությունների առանցքային դեմքը։
«Մենք չենք դադարի փորձել համոզվել, որ դա տեղի ունենա, քանի դեռ դա կպահանջվի»,- վստահեցրել է Պետքարտուղարության ղեկավարը:
Հիշեցնենք՝ Իսմայիլ Հանիեն սպանվել է Իրանի մայրաքաղաքում։ Մահացել է նաև նրա պահակներից մեկը։ Ավելի ուշ ՀԱՄԱՍ-ը հաստատել է այս տեղեկությունը։ Իրանը հարձակման համար անմիջապես մեղադրել է Իսրայելին և խոստացել վրեժ լուծել:
Իսրայելը հերքում է իր հասցեին հնչեցված մեղադրանքները։
