07.10.2026 | 15:18
Ահազանգ. «Գուստավ» ռեստորանի մենեջերը թաքնված տեսախցի՞կ է տեղադրել աղջիկների զուգարանում
Բողոքի ցույցերը և բախումները Վենեսուելայում չեն դադարում. զոհերի թիվը հասել է 11-ի
Քաղաքականություն
31.07.2024 | 15:09
Նախագահական ընտրություններից հետո Վենեսուելայում բողոքի ցույցերի մեկնարկից ի վեր զոհերի թիվը հասել է 11-ի։ Այս մասին, հայտարարել է Foro Penal իրավապաշտպան կազմակերպության ղեկավար Ալֆրեդո Ռոմերոն։ Նա նաև մտահոգություն է հայտնել բողոքի ակցիաների ժամանակ հրազենի կիրառման կապակցությամբ, գրում է DW-ի ռուսական ծառայությունը։
Հուլիսի 29-ից ի վեր հարյուր հազարավոր մարդիկ մասնակցում են գործող իշխանության դեմ ցույցերին, որոնցից շատերը վանկարկում են «Այս կառավարությունը կտապալվի», նշում է AFP-ն։ Ոստիկանությունը ցուցարարների դեմ արցունքաբեր գազ և ռետինե փամփուշտներ է կիրառել։
Հաղորդվել է նաև, որ ցուցարարներին ցրելու գործողություններին մասնակցել է կառավարամետ «Կոլեկտիվոս» ռազմական խմբավորումը՝ օգտագործելով հրազեն։
Վենեսուելայի դատախազությունը հայտարարել է շուրջ 750 մարդու ձերբակալության մասին։ Հաղորդվել է նաև մեկ զինծառայողի մահվան մասին։
