01.05.2026 | 11:43
Եվրախորհրդարանը ցանկանում է ՀՀ-ի ընտրությունները պաշտպանել ռուսական ազդեցությունից․ DW-ի անդրադարձը
Վրաստանում ուժի մեջ է մտնում «օտարերկրյա գործակալների» մասին օրենքը
Քաղաքականություն
30.07.2024 | 18:53
Վրաստանում օգոստոսի 1-ից ամբողջությամբ ուժի մեջ կմտնի «Օտարերկրյա ազդեցության թափանցիկության մասին» օրենքը, գրում է SOVA-ն։
Օրենքին ենթակա բոլոր կազմակերպությունները պարտավոր են գրանցվել որպես «օտարերկրյա ազդեցության կրող»։
Օգոստոսի 1-ից նման կազմակերպությունները կկարողանան դիմումներ ներկայացնել համապատասխան մարմիններին, հիշեցրել է երկրի արդարադատության նախարար Ռատի Բրեգաձեն։
«Եթե կազմակերպությունը չկատարի օրենքով նախատեսված պահանջները, այսինքն՝ չենթարկվի Վրաստանի օրենսդրությանը, ապա օրենքը նախատեսում է համապատասխան տույժ՝ 25 հազար լարի (ավելի քան 9 հազար դոլար) տուգանք»,- ասել է վրացի նախարարը։
Բրեգաձեի խոսքով՝ յուրաքանչյուր ոք, ով կկատարի օրենքի պահանջները, պետք է միայն տեղեկատվություն տրամադրի այն մասին, թե կոնկրետ ումից է ֆինանսավորում ստացել և ինչի վրա է այն ծախսել։
