16.11.2024 | 14:36
ԿԲ նախագահը Silicon Mountains գագաթաժողովում խոսել է ֆինանսական ոլորտում արհեստական բանականության կիրառումից
Նախագահ Արմեն Սարգսյանի ընտրության հետ կապված որևէ խնդիր չի էլ եղել, փաստաթղթի հարցը փակվել է․ Էդմոն Մարուքյան․ ՏԵՍԱՆՅՈՒԹ
Քաղաքականություն
05.09.2018 | 15:03
«Ազգային ժողովի պատգամավորները որևէ մեկին որևէ պաշտոն չեն նվիրել, իրենց կարծիքն իրենց քվեաթերթիկներով արտահայտելով ընտրել են Սահմանադրական դատարանի նախագահ՝ Սահմանադրությանն ու օրենքի տառին համապատասխան։ Որևէ խախտում չի եղել, ամեն ինչ ընթացել է կանոնակարգին համապատասխան, չեմ կարծում, որ նման խոսակցություններ տարածելը բխում է մեր ժողովրդի շահերից, կրկնում եմ՝ որևէ մեկը պաշտոն նվեր չի ստացել և դրա կարիքն էլ չկար»,- այս մասին այսօր «ԱԺ մոնիթորինգ. 6-րդ գումարման Ազգային ժողովի 3-րդ նստաշրջանի դիտարկման արդյունքները» թեմայով քննարկման ժամանակ՝ ի պատասխան դիտարկմանը, որ Սահմանադրական դատարանի նախագահի ընտրությունը եղել է վիճահարույց, ասաց ԱԺ ՀՀԿ խմբակցության քարտուղար Գագիկ Մելիքյանը։
Քննարկմանը մասնակից ԱԺ «Ելք» խմբակցության պատգամավոր Էդմոն Մարուքյանն էլ անդրադարձավ ՀՀ նախագահ Արմեն Սարգսյանի ընտրության հետ կապված խնդրին և նշեց, որ Ազգային ժողովում նախագահ Արմեն Սարգսյանի ընտրության հետ կապված էլ որևէ խնդիր չի եղել։
«Հանրապետության նախագահի ընտրության ժամանակ բնակության վայրի մասին հարցն էր, որը հետագայում Նիկոլ Փաշինյանը դեռևս վարչապետ չընտրված ասել է, որ համոզվել է, հայտարարել է դրա մասին, այսինքն՝ այն հարցը, որը նա վիճարկում էր՝ փակվել է, հետևաբար նախագահի ընտրության հետ կապված որևէ խնդիր չկա»,- ասաց պատգամավորը։
Մանրամասները՝ տեսանյութում։
